ကင်မရာနှစ်ခုပါ Huawei P9 နှင့် P9 Plus တို့ဖြင့် Leica ဓါတ်ပုံများရိုက်ကူးနိုင်စွမ်းကို ဂုဏ်ယူလိုက်ပါ။

                            

ဘယ်ဓာတ်ပုံဆရာမဆို Leica ကင်မရာရဲ့ အကောင်းဆုံးလက်ရာတွေကို အသုံးပြုဖို့ စိတ်ဝင်စားကြတာပါပဲ။ ဂျာမန်ကျွမ်းကျင်ပညာရှင်များက ပေါင်းစပ်ကာ အရည်အသွေးကောင်းမွန်တဲ့ ဓါတ်ပုံတွေရိုက်ကူးနိုင်ဖို့ အရည်အသွေးမြင့် Leica ကင်မရာများကို ဖန်တီးထုတ်လုပ်ပေးခဲ့တာဖြစ်ပါတယ်။ ဒီလို အရည်အသွေး ကောင်းမွန်တာ
နဲ့အညီ စျေးနှုန်းလည်းမြင့်မားလှပါတယ်။ မြင့်မားတဲ့ စျေးနှုန်းတွေကြောင့် သုံးစွဲသူတွေက တစ်ခါတစ်ရံ အားမလိုအားမရဖြစ်နိုင်သော်လည်း Leica ရဲ့ ထူးခြားတဲ့အရည်အသွေးတွေက သုံးစွဲသူတွေကို ကင်မရာစျေးနှုန်းကို မေ့နိုင်အောင် လစ်လျူရှုနိုင်အောင် ပြုလုပ်နိုင်စွမ်းရှိပါတယ်။

ဘယ်လိုပင်ဖြစ်ပါစေ သုံးစွဲသူတွေအတွက် Leica နဲ့ အရည်အသွေးမြင့်ဓါတ်ပုံတွေကို ရိုက်ကူးနိုင်ဖို့ နည်းလမ်းရှိပါသလား။ Huawei ရဲ့ စမတ်ဖုန်းအသစ်တွေဖြစ်တဲ့ P9 နဲ့ P9 Plus ကတော့ ပေးစွမ်းနိုင်ပါတယ်။ Huawei နဲ့ Leica ရဲ့ ပူးပေါင်းစွမ်းဆောင်မှုကတဆင့် P9 နဲ့ P9 Plus သုံးစွဲသူတွေအနေနဲ့ ၎င်းတို့ရဲ့ စမတ်ဖုန်းဖုန်းတွေမှာ ပါဝင်တဲ့ ရိုးရှင်းတဲ့ ကလစ်လေးတစ်ချက်နှိပ်လိုက်ရုံနဲ့ Leica ရဲ့ ဆွဲဆောင်မှုရှိတဲ့ ဓါတ်ပုံရိုက်ကူးနိုင်စွမ်းကို သဘောကျ နှစ်သက်စေနိုင်မှာဖြစ်ပါတယ်။ 
                                         

ပြိုင်ဘက်ကင်း အရည်အသွေးနှင့် စျေးနှုန်းဖြင့် မှန်မပါ Leica Q နှင့် SL 

ဂျာမနီနိုင်ငံမှာ ၁၉၅၄ ခုနှစ်ကစပြီးတော့ Leica ကင်မရာကို 35mm ကင်မရာ စံနှုန်း အသစ်တွေကို မိတ်ဆက်ပေးဖို့ အထောက်အကူဖြစ်လာမယ့် Leica M3 မော်ဒယ်များကို စတင်မိတ်ဆက်ပေးခဲ့ပါတယ်။ ၂၀ ရာစုအစောပိုင်းမှာ ဖလင်ကင်မရာတွေ တိုးပွားလာတာတွေကို တွေ့ရမှာဖြစ်ပြီး ဒီအချိန်အတွင်းမှာပဲ Henri Cartier- Bresson လို ကမ္ဘာ့နာမည်ကျော် ဓါတ်ပုံဆရာတွေက Leica ကင်မရာတွေကို ၎င်းတို့ရဲ့ အလုပ်မှာ အသုံးပြုနေခဲ့ပါပြီ။

Lecia ကို မှန်မဲ့ ဒစ်ဂျစ်တယ်ကင်မရာအဖြစ် မကြာခင်က ပြောင်းလဲခဲ့ပါတယ်။ Leica က မှန်မဲ့ ဖရိန်ပြည့် ကင်မရာ Leica Q နဲ့ Leica SL တို့လို ကုန်ပစ္စည်းအမျိုးမျိုးကို စတင်မိတ်ဆက်ခဲ့ပါတယ်။ Leica Q ဟာ မှန်မဲ့ကင်မရာ ဖြစ်ပြီး 24 million pixels နှင့် Summilux ကင်မရာတို့ပါဝင်ပါတယ်။ အချို့ထူးခြားချက်တွေကတော့ ၎င်းရဲ့နက်ရှိုင်းလှတဲ့ ဖရိန်အပြည့် ကောင်းမွန်လှတဲ့ အလင်းစုနည်းပညာ၊ လေးနက်လှတဲ့ အရောင်အသွေး၊ အဖြူအမည်းဖော်ပြမှု၊ ထိတွေ့မျက်နှာပြင်နဲ့ Wi-Fi ချိတ်ဆက်နိုင်စွမ်းတို့ပဲဖြစ်ပါတယ်။ များပြားလှတဲ့ ဒီထူးခြားချက်တွေဟာ Leica ကို အမြဲတမ်းကောင်းမွန်တဲ့ လက်ရာတစ်ခုဖြစ်စေတဲ့ ခိုင်လုံတဲ့အကြောင်းရင်းတွေပါပဲ။ Leica ဟာ ပထမတန်းစားဖြစ်ပြီး ၎င်းရဲ့ သယ်ဆောင်ရလွယ်ကူတဲ့ အရွယ်အစားကလည်း စျေးကွက်အတွင်းမှာ ကောင်းမွန်တဲ့ ကောင်းကျိုးရလဒ်တွေကို ပေးစွမ်းနိုင်ပါတယ်။ 

ဒါ့အပြင် Leica SL မှာ ဖရိန်အပြည့် ပြောင်းလဲနိုင်စွမ်းရှိတဲ့ မှန်ဘီလူးနဲ့ အရည်အသွေးမြင့် ဒစ်ဂျစ်တယ် ကင်မရာတစ်လုံးရဲ့ ထူးခြားချက်တွေကို ဂုဏ်ယူဝံ့ကြွားစွာ ဖော်ပြထားပါတယ်။ Leica Q ကဲ့သို့ Leica SL မှာ 24 million pixels ပါသော်လည်း ၎င်းတို့က ရုပ်ပုံတွေကို 30 million pixels ထက်ပိုအောင် အရည်အသွေးမြှင့်တင်ပေးနိုင်စွမ်းရှိပါတယ်။ အထက်ပါ အချက်တွေအပြင် ၎င်းရဲ့တုန့်ပြန်နှုန်းကလည်း တစ်စက္ကန့်ကို ဓါတ်ပုံ ၁၁ ပုံရိုက်ကူးနိုင်အောင် မြန်နှုန်းမြှင့်တင်ပေးသွားမှာ ဖြစ်ပါတယ်။ Leica ရဲ့ အရည်သွေးမြင့် ထူးခြားချက်တွေက ၎င်းရဲ့ထူးခြားပြီး ပြိုင်ဖက်ကင်းအရည်အသွေးတွေကို နှစ်ဆ တိုးစေကာ စျေးကြီးတဲ့ ကင်မရာဆက်စပ်ပစ္စည်းတွေကို သုံးစရာမလိုဘဲ ဓါတ်ပုံတွေကို ပညာရှင်ဆန်ဆန် ရိုက်ကူးစေနိုင်မှာ ဖြစ်ပါတယ်။

စမတ်ဖုန်းများတွင် တပ်ဆင်ထားသည့် Leica

Leica နဲ့ စမတ်ဖုန်းထုတ်လုပ်သူ Huawei တို့အကြား ပေါင်းစပ်မှုတွေကြောင့် Huawei ရဲ့ အဆင့်မြင့် စမတ်ဖုန်းအသစ်တွေဖြစ်တဲ့ P9 နဲ့ P9 Plus ရဲ့ နည်းပညာဆိုင်ရာ ပြုပြင်မွမ်းမံမှုတွေကို တွေ့ရမှာဖြစ်ပါတယ်။ ဒီစမတ်ဖုန်းတွေက Leica အမှတ်တံဆိပ်နဲ့ ပူးပေါင်းပြီး အဆင့်မြင့်ထားတဲ့ ကင်မရာနည်းပညာကို ဂုဏ်ယူဝ့ံကြွားစွာ ပြသပေးသွားမှာ ဖြစ်ပါတယ်။ ဒီပူးပေါင်းဆောင်ရွက်မှုကနေ Leica ဟာ ၎င်းရဲ့ ဒစ်ဂျစ်တယ် ကိရိယာ ထုတ်လုပ်နိုင်စွမ်းကို ကျယ်ဖြန့်နိုင်သလို ကမ္ဘာ့ နံပါတ် ၃ အဆင့်ရှိ စမတ်ဖုန်းထုတ်လုပ်သူ Huawei ဟာလည်း ၎င်းရဲ့ နည်းပညာတွေကို အဆင့်မြှင့်တင်နိုင်မှာ ဖြစ်ပါတယ်။

P9 နှင့် P9 Plus မှာ 12 million pixels နှင့် 27mm မြင်ကွင်းထောင့်ပါဝင်တဲ့ F22 မှန်ဘီလူးနှစ်ခုပါ ကင်မရာကို တပ်ဆင်ပေးထားပါတယ်။ စိတ်ဝင်စားဖွယ် အချက်တစ်ခုကတော့ Leica ရဲ့ အဖြူအမည်း အနေအထားမှာ အရောင်အသွေး နယ်ပယ်ကို Huawei P9 နှင့် P9 Plus မှာ ထည့်သွင်းပေးထားတာပဲ ဖြစ်ပါတယ်။ ဒါဟာ P9 နှင့် P9 Plus သုံးစွဲသူတွေကို ရောင်စုံနှင့်ကော အဖြူအမည်းနှင့်ပါ ဓာတ်ပုံရိုက်ကူးနိုင်စွမ်းပေးနိုင်မှာ ဖြစ်ပါတယ်။ ဒါဟာလည်း အရည်အသွေး အဖြူအမည် ဓာတ်ပုံတွေကို အာမခံချက်တစ်ရပ်ပေးနိုင်ပြီး သုံးစွဲသူတွေအနေနဲ့ ၎င်းတို့ရဲ့ဖုန်းထဲမှာ အဖြူအမည်းရုပ်ပုံတွေအတွက် အထူးပြုလုပ်ချက်တွေ ဖန်တီးစရာ မလိုတော့ပါဘူး။ ဒါ့အပြင် သုံးစွဲသူတွေဟာ မှန်ဘီလူး နှစ်ခုကို တစ်ခုတည်းအဖြစ် ပေါင်းစပ်ဖို့ ကြိုးစားပါက သူ သို့မဟုတ် သူမဟာ အဖြူအမည်း ဆင်ဆာကနေ အလင်း တောက်ပမှု နှင့် အရောင်အသွေး ခြားနားချက်တွေကို ရရှိမှာ ဖြစ်ပါတယ်။ ဒါဟာ သုံးစွဲသူကို အရောင်အသွေး ပိုမိုကြွယ်ဝတဲ့ ဓာတ်ပုံတွေ ရိုက်ကူးနိုင်ဖို့ အထောက်အကူ ဖြစ်စေမှာ ဖြစ်ပါတယ်။ 

                                                                        

ဒါ့အပြင် P9 မှာပါဝင်တဲ့ 5.2” အရွယ် Full HD မျက်နှာပြင်မှာ Hollywood ရုပ်ရှင် အရောင်အသွေးတွေကို အသုံးပြုထားပြီး မျက်နှှာပြင် ရောင်ခြည်ဝန်းရဲ့ ၉၆ ရာခိုင်နှုန်းကို နေရာယူထားနိုင်ရန် ပြုလုပ်ပေးပါသည်။ 12MP မှန်ဘီလူးနှစ်ခုပါ ကင်မရာရဲ့ထူးခြားချက်က RGB နှင့် BW ဆင်ဆာများ ဖြစ်တဲ့အပြင် လေဆာ အကူ အလင်းစုရပ်လည်း ဖြစ်ပါတယ်။ ၎င်းတို့က ကင်မရာကို ယခင်ကထက် ၂ဆပိုပြီး လှုံ့ဆော်ပေးကာ အသေးစိတ်တိကျမှုကို ၃ဆပို၍ ပံ့ပိုးပေးပါတယ်။ Huawei ရဲ့ နောက်ဆုံးထွက် Kirin 955 chipset နဲ့ ဖွဲ့စည်းထားတဲ့ P9 ဟာ TSMC 16nm FinFET Plus chip နည်းပညာကို အခြေခံထားတာ ဖြစ်ပါတယ်။ CPU စွမ်းဆောင်ရည်က P8 ထက် ၁ဆခန့် ပိုမြန်လာပြီး 3D ဂရပ်ဖစ်ကို ၁.၂၅ဆ တိုးမြှင့်ပေးထားပါတယ်။ Android Marshmallow 6.0 ဗားရှင်းဖြစ်ကာ P9 မှာ သုံးစွဲသူ လွယ်ကူစွာအသုံးပြုနိုင်သော လုပ်ဆောင်ချက်များစွာပါဝင်တဲ့ Huawei Emotion UI 4.1 interface ကို အသုံးပြုထားပါတယ်။ ဒါ့အပြင် P9 ဟာ နောက်ဆုံးပေါ် Type-C Connector နည်းပညာကိုလည်း ပံ့ပိုးပေးပါတယ်။ Leica ရဲ့ အဖြူအမည်း ဓာတ်ပုံနည်းပညာအပြင် အခြား ကင်မရာ လုပ်ဆောင်ချက်များ ကြွယ်ဝစွာ ပါဝင်တာကြောင့် Huawei P9 ဟာ အဆင့်မြင့် စမတ်ဖုန်းတစ်လုံး ဖြစ်တဲ့အပြင် P9 စမတ်ဖုန်းမှာ ပါရှိလာတဲ့ အကောင်းဆုံးကင်မရာတွေထဲက တစ်ခုလည်း ပါဝင်ပါတယ်။ လှုပ်ရှားမှုနှုန်းထားလည်း ကောင်းမွန်လာပြီး (HDR ပါသည် ဖြစ်စေ မပါသည် ဖြစ်စေ) အရောင်အသွေးမှာလည်း စုံလင်ကြွယ်ဝကာ ကင်မရာကလည်း အကောင်းဆုံးအရည်အသွေးနဲ့ အသေးစိတ်ကျကျ ရိုက်ကူးပေးနိုင်ပါတယ်။ Leica မှာ Standard, Vivid နဲ့ Smooth စတဲ့ အထူးပြုလုပ်ချက် သုံးခုပါဝင်ပြီး ရုပ်ပုံတွေကို Instagram မှာ ပါရှိတဲ့အရောင်တွေအတိုင်း ရိုက်ကူးနိုင်ရန် လုပ်ဆောင်ပေးပါတယ်။

အကောင်ဆုံး ကင်မရာ လက်ရာမွန် Leica

Ernst Leitz ရဲ့ မျိုးရိုးနာမည်က ပထမစာလုံး သုံးလုံး Lei နှင့် ကင်မရာရဲ့ အရှေ့စာလုံး နှစ်လုံး ca တို့ကို ပေါင်းစပ်လိုက်ရာက Leica လို့ အမည် ပေးထားခြင်း ဖြစ်ပါတယ်။ ပထမဆုံး 35mm ဖလင် Leica မူလပုံစံကို ၁၉၁၃ခုနှစ် Ernst Leitz Optische Werke၊ Wetzlar မှာ Oskar Barnack က ဖန်တီးဖွဲ့စည်းခဲ့တာ ဖြစ်ပါတယ်။ တောင်တန်းခရီးတွေ သွားလာစဉ် ရိုက်ကူးနိုင်ဖို့ မြင်ကွင်းကျယ် ဓာတ်ပုံပညာအတွက် ရည်ရွယ်ခဲ့တာဖြစ်ပြီး Leica ရဲ့ ပထမဆုံး 35mm ကင်မရာမှာ ရုပ်ရှင် စံနှုန်း 35 mm ဖလင်ကို အသုံးပြုခဲ့ပါတယ်။ Leica က ဖလင်ကို အလျားလိုက် ပို့ဆောင်ပေးပြီး ဖရိန်ဆိုဒ်ကို ဒေါင်လိုက် ပို့ဆောင်ပေးတဲ့ ရုပ်ရှင် ကင်မရာများရဲ့ 18×24 mm အစား 2:3 အချိုးနှုန်းဖြင့် 24×36mm အထိ ထပ်တိုးပေးရပါတယ်။

 ၁၉၃ဝခုနှစ်မှာ Leica I Schraubgewinde ကို မိတ်ဆက်ပြသခဲ့တာကို မြင်တွေ့ခဲ့ရပြီး "Leica Thread Mount" ဒါမှမဟုတ် LTM လို့လည်း ညွှန်းခေါ်ခဲ့ကြပါတယ်။ ဒါဟာ 39mm အချင်းရှိတဲ့ ဝက်အူမြောင်းကို အခြေခံထားတဲ့ ပြောင်းလဲနိုင်စွမ်းရှိတဲ့ မှန်ဘီလူးစနစ်ပါ ကင်မရာ ဖြစ်ပါတယ်။ ပုံမှန်မှန်ဘီလူး 50mm၊ ထောင့်ကျယ် 35mm နဲ့ တယ်လီဖိုတို မှန်ဘီလူး 135mm ကိုလည်း ရရှိနိုင်အောင် ပြုလုပ်ပေးထားပါတယ်။ ၁၉၃၀ အလယ်တွင် ထူးခြားတဲ့ မှန်ဘီလူး Thambar 90mm f/2.2 ကို ဖန်တီးခဲ့ပြီး ၁၉၃၅ မှ ၁၉၄၉ အတွင်း အရေအတွက် ၃ဝဝဝအထက် ထုတ်လုပ်ရောင်းချခဲ့ပါတယ်။ ယနေ့မှာတော့ ဒီကင်မရာဟာ ထူးခြားပစ္စည်းစုဆောင်းမှု စာရင်းထဲက တစ်ခု ဖြစ်လာခဲ့ပါပြီ။

၁၉၃၂ခုနှစ်မှာ အကွာအဝေးခန့်မှန်းကိရိယာပါရှိလာပြီး မှန်ဘီလူးက နည်းစနစ်ကျကျ အလင်းစုတတ်လာတဲ့ Leica II ကို ထုတ်လုပ်ခဲ့ပါတယ်။ ဒီမော်ဒယ်မှာ သီးသန့် viewfinder (လျှော့ချထားတဲ့ ရုပ်ပုံတွေကိုပြသခြင်း)နဲ့ အကွာအဝေးခန့်မှန်းကိရိယာတို့ ပါဝယ်ပါတယ်။ ၁၉၃၂ခုနှစ်မှာ ပထမဆုံး ပြီးပြည့်စုံအောင်ပြုလုပ်ထားတဲ့ Leica မော်ဒယ်လ်စီနဲ့ လာမယ့်နှစ်တွေအတွက် Leica စံနှုန်းတွေအတွက် ဖလင်ပြားရဲ့ နှုတ်ခမ်းစွန်းတွေကို 28.8 mm အထိ စံနှုန်းသတ်မှတ်ခဲ့ပါတယ်။ Leica III ဟာ Slow Shutter မြန်နှုန်းကို ၁ စက္ကန့်အထိ လျှောချခဲ့ပြီး IIIa မော်ဒယ်မှာတော့ ၁/၁၀၀၀ စက္ကန့် Shutter မြန်နှုန်းကို ပေါင်းထည့်ခဲ့ပါတယ်။ IIIa ဟာ Barnarck မသေမီ ပြုလုပ်ခဲ့တဲ့ နောက်ဆုံး မော်ဒယ်ဖြစ်တာကြောင့် သူအပြည့်အဝ တာဝန်ယူထားတဲ့ နောက်ဆုံးမော်ဒယ်လည်း ဖြစ်ပါတယ်။ ၁၉၅၇ မှာ Leitz က မူလဒီဇိုင်းကို ဆက်လက်ကောင်းမွန်အောင် လုပ်ဆောင်ခဲ့ပါတယ်။ နောက်ဆုံး ဗားရှင်း IIIg မှာ ဖရိန်လိုင်းများစွာနဲ့ ကြီးမားတဲ့ viewfinder ပါရှိလာခဲ့ပါတယ်။ ဒီမော်ဒယ်အားလုံးမှာ စက်ဝိုင်းပုံ ဒိုင်ခွက်များနဲ့ လေးထောင့်ကျကျ အပေါက်ငယ်များကို လက်တွေ့ကျကျ ပေါင်းစပ်ထားပါတယ်။ 

                                                                                - End   -